"Барселона" ҳимоячиси Жерар Пике жамоани тарк этмоқчи. Cadena Cope хабарига кўра, 35 ёшли футболчи клуб раҳбариятини келажакдаги режалари ҳақида маълум қилган.
Марказий ҳимоячи матбуотнинг ўзига ва шахсий ҳаётига доимий эътиборидан чарчаган ва шу боис мамлакатни тарк этиш ҳақида ўйламоқда.
Пике жорий мавсум бошидан буён бир марта ҳам майдонга тушмай, "кўк-анорранглилар" асосий таркибидаги ўрнини йўқотди. Шунга қарамай, "Барса" бош мураббийи Хавининг сўзларига кўра, тажрибали ҳимоячи жамоа учун муҳим фигура бўлиб қолмоқда.
Пикенинг "Барселона" билан шартномаси 2024 йилгача мўлжалланган. Transfermarkt портали футболчининг нархини 5 миллион еврога баҳоламоқда.
