Испания терма жамоаси яримҳимоячиси Давид Сильванинг қайд этишича, унинг терма жамоадаги шериги Андрес Иньеста дунёнинг энг кучли футболчиси, ҳаттоки Месси ва Роналдудан ҳам кучлироқ футболчиси экан.
"Журналистлар кўпинча мендан сўрашади: Месси кучлими Роналдуми, деб. Мен уларга шундай жавоб бераман: Бугунги кунда дунёнинг биринчи рақамли футболчиси - Андрес Иньеста. У тўп билан афсунгарлардек муомалада бўлади. Майдонни кўра олиши ҳам ажойиб. У ажойиб футболчи бўлиши билан бирга яхши инсон ҳам", дейди Сильва.
"Мен Месси ва Роналдуни шахсан танимайман, лекин Иньеста энг кучлиси эканини яхши биламан", дея Сильванинг сўзларидан иқтибос келтирмоқда испан матбуоти.