"РБ Лейпциг" раҳбарияти бош мураббий Доменико Тедескони жамоа бош мураббийлигидан четлатиш ҳақида ўйлай бошлашди. Бу ҳақда Bild нашри хабар бермоқда.
Клуб раҳбарияти жамоанинг натижаларидан ниҳоятда норози ва вазиятни ўнглаш учун мураббийни алмаштиришга тайёр.
Германия чемпионатининг беш турида “буқалар” бор-йўғи беш очко жамғариб, турнир жадвалида 11-ўринни банд этиб туришибди.
Жамоа сўнгги ўйинда Франкфуртнинг “Айнтрахт” жамоасига 0:4 ҳисобида мағлуб бўлди.
“РБ Лейпциг” келаси ҳафта Чемпионлар лигаси гуруҳ босқичини бошлайди. Доменико Тедеско шогирдлари ўз майдонида Украинанинг “Шахтёр” жамоасини қабул қилади.
