"RB Leypsig" rahbariyati bosh murabbiy Domeniko Tedeskoni jamoa bosh murabbiyligidan chetlatish haqida o‘ylay boshlashdi. Bu haqda Bild nashri xabar bermoqda.
Klub rahbariyati jamoaning natijalaridan nihoyatda norozi va vaziyatni o‘nglash uchun murabbiyni almashtirishga tayyor.
Germaniya chempionatining besh turida “buqalar” bor-yo‘g‘i besh ochko jamg‘arib, turnir jadvalida 11-o‘rinni band etib turishibdi.
Jamoa so‘nggi o‘yinda Frankfurtning “Ayntraxt” jamoasiga 0:4 hisobida mag‘lub bo‘ldi.
“RB Leypsig” kelasi hafta Chempionlar ligasi guruh bosqichini boshlaydi. Domeniko Tedesko shogirdlari o‘z maydonida Ukrainaning “Shaxtyor” jamoasini qabul qiladi.
