"Милан" бош мураббийи Стефано Пиоли ЕЧЛ гуруҳ босқичи 1-тури доирасидаги "Зальцбург"га қарши ўйиндан олдин фикрлари билан ўртоқлашди.
“Биз бу ўйинга катта иштиёқ билан ёндашишимиз, рақибга ҳурмат билан муносабатда бўлишимиз ва шу билан бирга ўз кучимизни унутмаслигимиз керак. Бу яхши синов бўлади. "Зальцбург" жуда тез ва сифатли ўйин намойиш этмоқда", - дея Пиоли сўзларини келтиради УЕФА расмий сайти.
"Залсбург" - "Милан" учрашуви 6 сентябрь куни бўлиб ўтади ва Тошкент вақти билан соат 23:59да бошланади. Гуруҳнинг яна бир учрашувида “Челси” ва Загребнинг “Динамо” жамоалари тўқнаш келишади.
