"Барселона" ҳужумчиси Усмон Дембеле нега ўз жамоасини Чемпионлар лигасининг фаворитларидан бири деб билишини тушунтириб берди. Шунингдек, "Бавария" билан ўйинлар олдидан қўрқмаслиги ҳақида гапирди.
"Барселона" Чемпионлар Лигаси фаворитларидан бирими? "Барселона" ҳар доим "Реал" ёки "Ливерпуль" каби бошқа буюк жамоалар қаторида фаворитлардан бири бўлган. Биз мавсумни кучли бошлашимиз керак. Ўтган йилгидек "Бавария"га 0:3 ҳисобида, кейин эса "Бенфика" жамоасига худди шу ҳисобда мағлуб бўлганимиз каби бошламаслигимиз керак. Ғалаба билан бошлашимиз зарур.
Биз "Бавария"дан қўрқамизми? Йўқ, бизда қўрқув йўқ. Жамоа "Бавария"ни мағлуб этмоқчи, чунки улар бизни ўтган йили, шу жумладан олдингисида ҳам мағлуб этганди", - деди Дембеле Mundo Deportivo билан суҳбатда.
