Мадриднинг “Реал” клуби бош мураббийи Карло Анчелотти Чемпионлар лигаси гуруҳ босқичининг бошланғич тури доирасидаги қозонилган ғалабаси ҳақида гапирди. “Қаймоқранглилар” барча голларни учрашувнинг иккинчи бўлимида киритиб, 3:0 ҳисобида ғалаба қозонишди.
“Болалар иккинчи бўлимда жуда яхши ўйнашди. Ўйиндан мамнунман. Учрашувнинг иккинчи ярмини “Реал”нинг яккахон концерти деб аташ мумкин.
"Селтик" яхши рақиб, стадиондаги муҳит ақл бовар қилмайдиган эди. Мухлислар ўз севимлиларини жуда қўллаб-қувватлашди. Бу биз учун осон бўлмади, лекин биз буни уддаладик", - дея италияликнинг сўзларини келтиради Mundo Deportivo.
