Туриннинг “Ювентус” клубида тўп сураётган франциялик ярим ҳимоячи Адриен Рабьо Чемпионлар лигаси гуруҳ босқичининг 1-тур учрашувида “ПСЖ”дан учралган мағлубият ҳақида гапирди. "Кекса синьора" "Парк де Прэнс"да 1:2 ҳисобида мағлуб бўлди.

“Биринчи бўлим жуда қийин бўлди, айниқса дастлабки 20 дақиқа. Биз шунчаки рақибнинг ўйинини кузатдик. "ПСЖ"нинг иккита тезкор голи учрашув жараёнига катта таъсир кўрсатди. Танаффусдан кейин “Ювентус” ўзгара олди, биз таслим бўлмадик. Жамоа ўз савиясини кўрсатди ва рақибга жуда кўп муаммоларни келтириб чиқарди", - деди Рабьо УЕФА матбуот хизматига.

Кейинги турда “Ювентус” ўз майдонида Лиссабоннинг “Бенфика” клубини қабул қилади.