"Фулхэм" дарвозабони Бернд Лено "Арсенал"ни тарк этиш сабаблари ҳақида гапирди. Эслатиб ўтамиз, германиялик дарвозабон шу йилнинг ёзида жамоага бир йил аввал келиб қўшилган Аарон Рамсдейлга асосий таркибдаги рақобатни бой бериб, "Арсенал" сафини тарк этган эди.

“Гап сифатда ва иштирокларда эмаслигини тушунганимдан сўнг, кетишга қарор қилдим. Мен буни қилишим кераклигини билардим. Тайёргарлик жараёнида мен гап сифатда эмас, балки клуб сиёсатида эканлигини англадим", - деди Лено Sport Bild нашрига берган интерьвюсида.

Эслатиб ўтамиз, Лено "Фулхэм"га тахминан 10 миллион еврога тушди. Посбон "Арсенал"га 2018 йилнинг ёзида "Байер"дан кўчиб ўтганди.