“Манчестер Юнайтед” сардори Гарри Магуайр “Реал Сосьедад”га қарши Европа лигаси гуруҳ босқичининг 1-тур учрашувида асосий таркибга қайтади. Бу ҳақда United Stand нашри хабар бермоқда.

Эслатиб ўтамиз, "қизил иблислар" бош мураббийи Эрик тен Хаг Англия Премьер-лигасининг 2-турида "Брентфорд"дан 0:4 ҳисобида учралган йирик мағлубиятдан сўнг англиялик футболчини асосий таркибдан четлатганди.

Магуайр ёзда “Манчестер Юнайтед”ни тарк этиб, Лондоннинг “Челси”сига ўтиши мумкин эди, аммо “қизил иблислар” мухлисларнинг кўплаб танқидларига қарамай, ўз сардорини сақлаб қолишга қарор қилишди.