Ҳужумкор ярим ҳимоячи Хамес Родригес Европага қайтишга яқин турибди. Яқин орада 31 ёшли футболчининг “Галатасарой” сафига қўшилиши кутилмоқда. “Шерлар” Родригесни ижарага олиши мумкин. Бу таклиф Қатар “Ар-Райян” томонидан қабул қилинган.
Журналист Ягиз Сабункуоглу ижтимоий тармоқда "Ар-Райян" ва "Галатасарой" Родригеснинг маошини борасида келишиб олганлигини ёзди. Шу тариқа унинг катта қисмини Қатар клуби ўз зиммасига олади (йилига 6 миллион евроли маошнинг 4 миллионини "Ар-Райян" тўлайди).
Эслатиб ўтамиз, август ойи охирида Хамес Родригес “Валенсия”да ўйнаш истаги борлигини очиқчасига эълон қилган эди. Бироқ, бу истак амалга ошмади.
