"Барселона" ҳужумчиси Роберт Левандовски Чемпионлар лигаси тарихидаги энг яхши тўпурарлар рўйхатида учинчи ўринни эгаллаб турибди.

Турнирнинг гуруҳ босқичи 1-туридан ўрин олган “Виктория Пльзень” билан ўйинда (5:1) польшалик ҳужумчи хет-трик қайд этди.

Ҳозирда Левандовски Чемпионлар лигасида 89 та голга эга. У "Реал" ҳужумчиси Карим Бенземадан (86) ўтиб кетди. Турнир тарихидаги энг сермаҳсул футболчилар рўйхатида иккинчи ўринни "ПСЖ" ҳужумчиси Лионель Месси банд этган. У фаолияти давомида Чемпионлар лигасида 125 та гол урган. "Манчестер Юнайтед" ҳужумчиси Криштиану Роналду 140 та гол яққол пешқадам.