Португалия терма жамоси бош мураббийи Паулу Бенту Испания термасига қарши ўтказилган баҳсдан сўнг ўйин ҳақида ўз фикр мулоҳазалари билан ўртоқлашди.
"Биз турнирни бошни тик кўтарганча тарк этмоқдамиз. Биз бу турнирдаги ўйинларимиздан ва натижаларимиздан ҳурсандмиз. Аввало, шуни таъкидламокчи эдимки, бизга гуруҳ босқичининг ўзидаёқ кучли рақиблар тушганди. Аммо, биз бу синовдан муваффақиятли ўтдик.
Бугунги ўйин ҳақида тўхталадиган бўлсам, шуни айтишим керакки, биз 90 дақиқа давомида рақибимиздан яхшироқ ўйин намойиш эта олдик. Имкониятллар ҳам бўлди. Аммо, қўшимча вақтларда испанияликлар ташаббусни ўз қўлларига ола билишди.
Пенальтилар серияси эса бу - лоторея. Унда арзимаган сантиметрлар масалани ҳал этиши мумкин. Нима бўлган тақдирда ҳам, Испания каби кучли терма жамоани финалда ўйнаш учун ҳақли эмасди дейишга асос йўқ. Уларни ажойиб ўйин ва ғалаба билан табриклайман.
Шу билан энди терма жамоа сентябр ойида йиғилади вa жаҳон чемпионати саралаш баҳсларига тайёргарчилик кўра бошлайди. Энди биз бир нарсани аниқ айта оламиз. Португалия ҳар қандай турнирда, ҳар қандай рақиб билан баҳслаша олади", дея Бентунинг ўйиндан кейинги интервьюсидан парча келтирмоқда УЕФА расмий сайти.
