"Ливерпул"нинг собиқ футболчиси Денни Мёрфи "қизиллар" марказий ҳимоячиси Виржил ван Дейкнинг ўйини ҳақида гапирди.
Кеча Чемпионлар лигаси доирасидаги "Наполи"га қарши ўйинда (1:4) нидерландиялик ҳимоячи ўз дарвозасига пенальти "ишлади".
"Виржил ҳозир ўз даражасида эмас. Жароҳатидан олдин уни жаҳон футболидаги энг яхши марказий ҳимоячилардан бири деб ҳисоблаш мумкин эди. Жароҳатдан кейин унинг психологик режасида нимадир ўзгарди деб ўйлайман. У тўқнашувларда катта таваккал қилишни истамайди. Виржил ўзи билмаган ҳолда бироз эҳтиёткор ўйнамоқда" - деди Мёрфи Talksport нашри билан суҳбатда.
31 ёшли ҳимоячи жорий мавсум АПЛда 6 та ўйинда майдонга тушиб, битта гол урди ва битта сариқ карточка олди.
