“Манчестер Сити” ҳужумчиси Эрлинг Холанд жамоанинг август ойидаги энг яхши футболчиси деб топилди.

Расмий сайт матбуот хизмати хабарига кўра, 22 ёшли норвегиялик овоз йиғишда ярим ҳимоячилар Кевин де Брюйне ва Бернарду Силвадан ўзиб кетди.

Август ойида ҳужумчи “шаҳарликлар” сафида 5 та учрашувда 9 та гол урди ва 1 та голли узатмани амалга оширди.

Жорий мавсумда Холанд “Манчестер Сити” сафида 8 та ўйинда 12 та гол ва 1 та голли узатмани амалга оширди. Унинг клуб билан шартномаси 2027 йилнинг 30 июнига қадар мўлжалланган.

Англия Премьер-лигасининг 6-туридан сўнг “шаҳарликлар” 14 очко жамғариб, турнир жадвалида пешқадам “Арсенал”дан 1 очко ортда қолиб, 2-ўринда бормоқда.