“Manchester Siti” hujumchisi Erling Xoland jamoaning avgust oyidagi eng yaxshi futbolchisi deb topildi.
Rasmiy sayt matbuot xizmati xabariga ko‘ra, 22 yoshli norvegiyalik ovoz yig‘ishda yarim himoyachilar Kevin de Bryuyne va Bernardu Silvadan o‘zib ketdi.
Avgust oyida hujumchi “shaharliklar” safida 5 ta uchrashuvda 9 ta gol urdi va 1 ta golli uzatmani amalga oshirdi.
Joriy mavsumda Xoland “Manchester Siti” safida 8 ta o‘yinda 12 ta gol va 1 ta golli uzatmani amalga oshirdi. Uning klub bilan shartnomasi 2027 yilning 30 iyuniga qadar mo‘ljallangan.
Angliya Premyer-ligasining 6-turidan so‘ng “shaharliklar” 14 ochko jamg‘arib, turnir jadvalida peshqadam “Arsenal”dan 1 ochko ortda qolib, 2-o‘rinda bormoqda.
