"Челси"га янги бош мураббий Грэм Поттернинг келиши "Динамо" ярим ҳимоячиси Арсен Захаряннинг эҳтимолий трансферига таъсир қилмайди.
"Эҳтимол, ҳеч қандай ўзгаришлар бўлмайди ва Грэм Поттернинг келиши Захаряннинг эҳтимолий трансферига ҳеч қандай таъсир кўрсатмайди. Билишимча, улар Арсенни дарҳол жамоада ўйнаши учун олиб кетишни истамаган", - дея британиялик журналист Низар Кинселла сўзларидан иқтибос келтиради Metaratings.ru.
Бугун, 8 сентябрь куни "Челси" "Брайтон"нинг собиқ бош мураббийи Грэм Поттер билан 5 йиллик шартнома имзолади.
1 сентябрь куни “Динамо” 19 ёшли россиялик ёзги трансфер ойнаси вақтида “Челси”га ўтмаслигини эълон қилди. Лондон клуби Англиядаги трансфер ойнаси ёпилгунга қадар "оқ-кўклар"га 15 миллион евро (сотиб олиш варианти)ни тўлаш имкониятини топа олмади.
