Суперлига 18-туридан ўрин олган "Пахтакор" - "Металлург" учрашувидан (2:1) сўнг "шерлар" бош мураббийи Максим Шацких қўйидаги фикрларни билдирди.

- Бугун ўйинимиз ёмон кўринмади. Қизиб олишимиз учун гол ўтказишимизга тўғри келди. Бунинг сабабини таҳлил қиламиз. Биз енгил йўл қидирмаймиз: бизга ўйинни келишгандек бошлаш учун қандайдир учқун керак. Етарлича вазиятлар яратдик, муҳим уч очкони қўлга киритдик. Имкониятлардан фойдаланиш борасида ишлашимиз зарур. Ҳакамликка келсак, бугун улар жамоаларга ўйнашга беришди.

Бизда рақобат кучли ва ҳар бир футболчида ўйнаш имконияти мавжуд .Биз учун уларнинг терма жамоа номзоди ёки бошқа даражада эканининг фарқи йўқ. Уларни ҳар куни кўрамиз, машғулотларда қандай ишлаётганини кузатамиз. Шундан келиб чиққан ҳолда таркибни танлаймиз. Ҳеч кимга жой кафолатланмаган. Рақобатсиз ҳолатда инсон қуйига қараб шўнғийди.

Банашак жамоага мослашиб бўлди, аммо вазиятлардан фойдаланиш борасида ишлаши керак. Ҳар бир ўйинда гол урмаяпти, лекин тўп киритмоқда ва бу яхши. У индивидуал маҳоратини ўстириш устида меҳнат қилиши лозим. Шериклари яратиб бераётган имкониятлардан фойдаланиши керак.