Италия терма жамоасининг ҳужумчиси, Германия - Италия иштирокидаги ярим финал баҳсининг қаҳрамонларидан бири учрашувдан сўнг ўйин ҳақидаги фикрларини билдириб ўтди.
"Бу менинг фаолиятимдаги энг яхши кеча бўлди, бироқ умид қилманки, келаётган якшанба бундан ҳам яхшироғи бўлади" дедйи футболчи Rai Sportга берган интервьюсида.
"Мен голларимнинг иккаласини ҳам онамга бағишлайман. У анча ёши катта ва бугун стадионда менинг ўйинимни томоша қилди. Мен бахтлиман, чунки онам учун гол уришни ҳоҳлаган эдим. Якшанба куни отам ҳам шу ерда бўлади ва шунинг учун ҳам мен яна гол уришни ҳоҳлаяпман."
Шунингдек, Балотелли Испания терма жамоаси билан бўладиган финал ўйини ҳақида ҳам ўз фикрларини билдириб ўтди.
"Биз Испаниядан қўрқаётганимиз йўқ. Уларнинг қандай ўйин кўрсатишини ва қандай қилиб мағлубиятга учратишни биламиз."
"Ўйин давомида сабрли бўлишимиз ва уларни кутишимиз лозим, чунки улар тўпни жуда кўп бир-бирларига оширадилар. Бмроқ, биз биламизки, ғалаба қозона оламиз."
Журналистларнинг мусобақа тўпурари бўлиш ва "Олтин бутса"ни қўлга киритиш ҳақида берган саволига Балотелли шундай жавоб қайтарди: "Мусобақанинг тўпурари бўлиш? Кўрамиз нима бўларкин. Мен финалда ҳам гол уришни ҳоҳлардим. Бироқ, финалда қандай ўйин намойиш этишим ва нимани ютишим ҳақида ўйлаётганим йўқ."
