“Майнц” клуби спорт директори лавозимини эгаллаб турган футбол функционери Кристиан Хайдел Лондоннинг “Челси” клуби бош мураббийи Томас Тухелнинг лавозимидан четлатилишига муносабат билдирди.
“Бу қарор фақат клубнинг янги инвесторлари томонидан қабул қилинган. Футболни яхши билмайдиган одам жамоанинг ҳозирги олтинчи ўринини ёмон натижа деб ҳисоблади. Фақат олтита турда мураббийни алмаштиришга қарор қилинди. Лекин Тухелдек буюк мураббийни топиш жуда қийин. Улар бундан пушаймон бўлишади", - дея хабар беради Daily Mail Хайделнинг сўзларини.
Грем Поттер “пенсионерлар”нинг янги устози этиб тайинланди. Унинг шартномаси беш йилга мўлжалланган.
