"Манчестер Юнайтед" ҳимоячиси Брендон Уильямс журналистлар билан суҳбат чоғида ўзи билан бирга майдонга тушган манкунианликлар таркибидаги энг яхши футболчи номини айтди.
“Мен Хуан Мата исмини айтмоқчиман. Бу футболчи тўп билан сеҳрли эди. У ўз маҳорати туфайли ўйинни назорат қила олади. Мата майдонда ҳам, майдон ташқарисида ҳам ажойиб йигит. У тез-тез ёшлар билан гаплашиб, бизга ёрдам берарди", - дея 22 ёшли футболчининг сўзларини келтиради Goal.com
Эслатиб ўтамиз, ўтган куни 34 ёшли испаниялик ярим ҳимоячи Истанбулнинг "Галатасарой" клуби билан меҳнат шартномасини имзолаб, Туркия чемпионатига ўтган эди.
