Мадриднинг "Реал" клуби "Палмейрас" ҳужумчиси Андрикни сотиб олмоқчи.
Бироқ, "қаймоқранглилар" раҳбарияти 60 миллион евро футболчи учун жуда кўп, деб ҳисобламоқда.
Бразилиялик футболчи ҳали атиги 16 ёшда ва Мадридга кўчиб ўтишдан олдин камида икки мавсумни Бразилияда ўтказиши керак.
Олдинроқ, "Палмейрас" ўзининг юлдуз тўпурарини ҳозирча "Реал" ёки "Барселона"га сотмасликни маъқул кўриши ҳақида хабарлар тарқалган эди.
Андрик эндигина 16 ёшда бўлишига қарамай, у аллақачон "Палмейрас U20"да ўйнамоқда. Футболчи аллақачон гол уриш бўйича кўплаб рекордларни янгилаган. Бразилия U17 терма жамоаси сафида у 4та ўйин ўтказиб, 5та гол урди.
Айни пайтда ёш бразилиялик сайёрамиздаги энг истиқболли футболчилардан бири саналади.
