Енгил вазн тоифасида собиқ UFC чемпиони Хабиб Нурмагомедов футболга муносабати ҳақида гапирди.

“Бу ерда (Лондонда) жуда кўп турли одамлар бор. Ўйлайманки, "Арсенал", "Челси", "Тоттенхем", "Манчестер" мухлислари бор, шунинг учун мен ўзимнинг севимли инглиз футбол жамоам номини айтмайман. Мен Англия Премьер-лигасини яхши кўришимни айтаман. Менга футбол ёқади ва умуман футбол ММА дан анча яхши. Буни мен аввал ҳам айтганман ва доим айтаман. Одамлар буни билиб: "Нега унда ММА жангчиси бўлдингиз?" Ростини айтсам, бу қандайдир тасодиф. Бу менинг Доғистонда туғилиб ўсганим туфайли содир бўлганига ишонаман. Агар мен Англияда туғилганимда, футболчи бўлган бўлардим", деди Хабиб Лондондаги хайрия оқшомида.

Нурмагомедов 29 та жангда 29 та ғалабага эришган. Россиялик жангчи фаолиятини 2020 йил октябрь ойида америкалик Жастин Гэтжи устидан ғалаба қозонганидан сўнг фаолиятини якунлаган эди.