Гарет Бэйлнинг футболкалари бу йил МЛСда энг кўп сотилгани бўлмоқда.
33 ёшли вингер июнь ойида шартномаси якунланганидан сўнг "Реал"ни тарк этди ва "Лос-Анжелес"га кўчиб ўтди.
МЛС расмий сайти жорий мавсум бошидан (февраль ойида) 1 сентябрга қадар лига футболчиларининг энг кўп сотилган футболкалари рейтингини эълон қилди.
Уэльслик футболчи МЛСда уч ойдан камроқ вақт олдин ўйнай бошлаганига қарамай, айнан у рейтингда биринчи ўринни эгаллади. Гарет ҳисобида 9 та ўйинда 2 та гол бор.
Иккинчи ўринда “Шарлотта” футболчиси Кристиан Фукс, учинчи ўринда “Лос-Анжелес” ҳужумчиси Карлос Вела жой олди. Тўртинчи ўринда "Гелакси" ҳужумчиси Хавьер Эрнандес жой олди.
Рейтингнинг саккизинчи поғонасидан "Чикаго Файр" ярим ҳимоячиси Жердан Шақири, 12-поғонадан эса "Зенит"нинг собиқ ҳужумчиси, "Остин"да тўп тепаётган Себастьян Дриусси жой олди.
