Garet Beylning futbolkalari bu yil MLSda eng ko‘p sotilgani bo‘lmoqda.

33 yoshli vinger iyun oyida shartnomasi yakunlanganidan so‘ng "Real"ni tark etdi va "Los-Anjeles"ga ko‘chib o‘tdi.

MLS rasmiy sayti joriy mavsum boshidan (fevral oyida) 1 sentyabrga qadar liga futbolchilarining eng ko‘p sotilgan futbolkalari reytingini e’lon qildi.

Uelslik futbolchi MLSda uch oydan kamroq vaqt oldin o‘ynay boshlaganiga qaramay, aynan u reytingda birinchi o‘rinni egalladi. Garet hisobida 9 ta o‘yinda 2 ta gol bor.

Ikkinchi o‘rinda “Sharlotta” futbolchisi Kristian Fuks, uchinchi o‘rinda “Los-Anjeles” hujumchisi Karlos Vela joy oldi. To‘rtinchi o‘rinda "Gelaksi" hujumchisi Xavyer Ernandes joy oldi.

Reytingning sakkizinchi pog‘onasidan "Chikago Fayr" yarim himoyachisi Jerdan Shaqiri, 12-pog‘onadan esa "Zenit"ning sobiq hujumchisi, "Ostin"da to‘p tepayotgan Sebastyan Driussi joy oldi.