"Рома" бош мураббийи Жозе Моуриньо Италия чемпионатининг 6-туридан ўрин олган "Эмполи"га (2:1) қарши ўйинни сарҳисоб қилди.
“Жамоа ҳимояланганда Абрахам пастроқ тушиши керак. Муаммо шундаки, у баъзида психологик жиҳатдан курашади. “Удинезе” билан мағлубиятга учраганимиздан сўнг, бугун ҳам худди шундай қилишни хоҳламадик. Охирги 10 дақиқада қийналдик, етти дақиқа қўшимча вақт жуда кўп, бу ҳеч қачон тугамайдигандек туюлди. Занеттини табриклайман, унинг жамоаси билан қийин бўлди, аммо биз ғалаба қозонишга ҳақли эдик", - дея Моуриньонинг сўзларини келтиради Sky Sports Italia.
Римликлар 13 очко жамғариб, турнир жадвалида бешинчи ўринга кўтарилиб олишди. "Эмполи" 16-поғонада қолмоқда (4 очко).
