Қозоғистоннинг “Астана” клуби матбуот хизмати жамоа бош мураббийлигига Григорий Бабаян тайинланганини маълум қилди.
Эслатиб ўтамиз, ўтган мавсумда 42 ёшли мутахассис Москванинг ЦСКА клубида бош мураббий ёрдамчиси бўлиб ишлаган. Шунингдек, Бабаян 2013 йилдан 2018 йилгача бўлган даврда "Астана" тизимида ишлаганини ҳам қайд этиш керак.
Ўтказилган 19 та ўйиндан сўнг Нур-Султон жамоаси Қозоғистон чемпионати турнир жадвалида пешқадам “Актобе”дан икки очко ортда қолиб, иккинчи ўринни эгаллаб турибди. “Астана” навбатдаги ўйинини эртага, 14 сентябрь куни “Тобол”га қарши ўтказади. Учрашув Тошкент вақти билан 18:00 да бошланади.
