Qozog‘istonning “Astana” klubi matbuot xizmati jamoa bosh murabbiyligiga Grigoriy Babayan tayinlanganini ma’lum qildi.

Eslatib o‘tamiz, o‘tgan mavsumda 42 yoshli mutaxassis Moskvaning SSKA klubida bosh murabbiy yordamchisi bo‘lib ishlagan. Shuningdek, Babayan 2013 yildan 2018 yilgacha bo‘lgan davrda "Astana" tizimida ishlaganini ham qayd etish kerak.

O‘tkazilgan 19 ta o‘yindan so‘ng Nur-Sulton jamoasi Qozog‘iston chempionati turnir jadvalida peshqadam “Aktobe”dan ikki ochko ortda qolib, ikkinchi o‘rinni egallab turibdi. “Astana” navbatdagi o‘yinini ertaga, 14 sentyabr kuni “Tobol”ga qarshi o‘tkazadi. Uchrashuv Toshkent vaqti bilan 18:00 da boshlanadi.