АҚШ терма жамоаси ва Лондоннинг “Челси” клубининг ҳужумкор ярим ҳимоячиси Кристиан Пулишич фаолиятини Англиянинг бошқа топ-клуби – “Манчестер Юнайтед”да давом эттириши мумкин эди.
Ижтимоий тармоқ инсайдери Фабрицио Романонинг сўзларига кўра, томонлар музокаралар олиб боришган, бироқ ўтиш шартлари бўйича келиша олишмаган. "Кўклар" Пулишичнинг тўлиқ трансферини ташкил қилмоқчи бўлишди, "қизил иблислар" эса ижарага олишда туриб олишди. Якунда томонлар келиша олишмади ва Кристиан "Стэмфорд Бриж"да қолди.
Пулишич жорий мавсум Англия Премьер-лигасида 6 та ўйинда майдонга тушди ва битта сариқ карточка олди.
