"Бавария" бош мураббийи Юлиан Нагельсманн Мюнхен клуби мухлислари ўз тарихидаги иккинчи энг яхши тўпурар Роберт Левандовскини илиқ кутиб олишларига умид қилмоқда. Роберт бугун кечқурун "Барселона" футболчиси сифатида "Альянц Арена"га қайтади.
"Умид қиламанки, мухлислар Левандовскини илиқ кутиб олишади. Шундай бўлиши керак, чунки бу одам клуб учун кўп иш қилган. У "Бавария" оиласининг муҳим аъзоси эди. Мен уни яна кўришни кута олмайман", - деди Нагельсманн матбуот анжуманида.
Эслатиб ўтамиз, Левандовски жорий мавсумда барча турнирларда 9 та гол урган. Чемпионлар лигаси гуруҳ босқичининг биринчи турида польшалик ҳужумчи “Виктория” жамоасига қарши ўйинда хет-трик қайд этди.
