Дортмунднинг "Боруссия" клуби ярим ҳимоячиси Жуд Беллингем келаси ёзда жамоани тарк этиши мумкин, деб хабар беради Football Daily.
Манбага кўра, 19 ёшли футболчи 2023 йилнинг ёзида Дортмунд клубини албатта тарк этади. “Манчестер Юнайтед” ва “Ливерпуль” ярим ҳимоячига асосий даъвогарлар бўлиб турибди.
Беллингемнинг "Боруссия" билан амалдаги шартномаси 2025 йилнинг ёзига қадар тузилган. Transfermarkt портали футболчини 80 миллион еврога баҳоламоқда.
2022/23 йилги мавсумда инглиз футболчиси "Боруссия" сафида барча мусобақаларда 8 ўйинда 2 та гол урди.













