"Манчестер Сити" ҳужумчиси Эрлинг Холанд клубнинг энг кўп маош олувчи иккинчи футболчиси ҳисобланади. Бу ҳақда The Sun нашри хабар бермоқда. Манбага кўра, норвегиялик ҳужумчи ҳафтасига 433 минг евро ёки йилига 22,5 миллион евро олади.
"Манчестер Сити"да фақат битта футболчи Холанддан кўпроқ олади - ярим ҳимоячи Кевин Де Брюйне. 2021 йилнинг апрелида имзоланган шартномага кўра, бельгиялик футболчи ҳафтасига 462 000 евро (йилига 24 миллион евро) олади.
22 ёшли Холанд “Манчестер Сити” сафида 8 та ўйинда майдонга тушиб, 12 та гол урди ва голли узатмани амалга оширди. Томонлар ўртасидаги келишув беш йилга имзоланган. Эрлинг жамоага Дортмунднинг "Боруссия"сидан кўчиб ўтди.
