"Manchester Siti" hujumchisi Erling Xoland klubning eng ko‘p maosh oluvchi ikkinchi futbolchisi hisoblanadi. Bu haqda The Sun nashri xabar bermoqda. Manbaga ko‘ra, norvegiyalik hujumchi haftasiga 433 ming yevro yoki yiliga 22,5 million yevro oladi.

"Manchester Siti"da faqat bitta futbolchi Xolanddan ko‘proq oladi - yarim himoyachi Kevin De Bryuyne. 2021 yilning aprelida imzolangan shartnomaga ko‘ra, belgiyalik futbolchi haftasiga 462 000 yevro (yiliga 24 million yevro) oladi.

22 yoshli Xoland “Manchester Siti” safida 8 ta o‘yinda maydonga tushib, 12 ta gol urdi va golli uzatmani amalga oshirdi. Tomonlar o‘rtasidagi kelishuv besh yilga imzolangan. Erling jamoaga Dortmundning "Borussiya"sidan ko‘chib o‘tdi.