"Барселона" бош мураббийи Хави Каталония клуби Мюнхенда "Бавария"ни ҳеч қачон мағлуб этмаганини айтди.
“Мен Мюнхенни даҳшат уйи деб айтмаган бўлардим. Бу "Бавария". Мен уларга қарши ғалаба қозонганман ва ютқазганман. Футбол шундай. Биз бу ерда ғалаба қозона олмаганмиз, бу бизни қанчалик қийин ўйин кутаётганимизни кўрсатади. Лекин биз яхши формадамиз ва ўйинни интиқлик билан кутяпмиз”, - деди Хави.
"Барса" "Бавария" билан олти марта ўйнаган, икки марта дуранг ўйнаган ва 4 марта мағлуб бўлган. Умумий ҳисоб 14:4 немис жамоаси фойдасига.
13 сентябрь, сешанба куни Чемпионлар лигаси “C” гуруҳи 2-туридан ўрин олган “Бавария” – “Барселона” учрашуви бўлиб ўтади.
Айни дамда Хави шогирдлари “C” гуруҳида пешқадам (3 очко), Юлиан Нагельсманн шогирдлари иккинчи ўринда (3 очко).
