"Barselona" bosh murabbiyi Xavi Kataloniya klubi Myunxenda "Bavariya"ni hech qachon mag‘lub etmaganini aytdi.
“Men Myunxenni dahshat uyi deb aytmagan bo‘lardim. Bu "Bavariya". Men ularga qarshi g‘alaba qozonganman va yutqazganman. Futbol shunday. Biz bu yerda g‘alaba qozona olmaganmiz, bu bizni qanchalik qiyin o‘yin kutayotganimizni ko‘rsatadi. Lekin biz yaxshi formadamiz va o‘yinni intiqlik bilan kutyapmiz”, - dedi Xavi.
"Barsa" "Bavariya" bilan olti marta o‘ynagan, ikki marta durang o‘ynagan va 4 marta mag‘lub bo‘lgan. Umumiy hisob 14:4 nemis jamoasi foydasiga.
13 sentyabr, seshanba kuni Chempionlar ligasi “C” guruhi 2-turidan o‘rin olgan “Bavariya” – “Barselona” uchrashuvi bo‘lib o‘tadi.
Ayni damda Xavi shogirdlari “C” guruhida peshqadam (3 ochko), Yulian Nagelsmann shogirdlari ikkinchi o‘rinda (3 ochko).
