"Челси" дарвозабони Эдуард Менди жароҳати сабаб Чемпионлар лигаси доирасидаги "Зальцбург"га қарши ўйинни ўтказиб юбориши мумкин.
Football London хабарига кўра, Томас Тухель 30 ёшли дарвозабонни Чемпионлар лигаси гуруҳ босқичининг 1-турида Загребнинг "Динамо"сига (0:1) қарши ўйинда захирада қолдирганига сабаблардан бири тиззасидан олган жароҳати бўлган. Қайд этилишича, Менди турнирнинг 2-турида "Зальцбург"га қарши ўйинда майдонга тушмайди.
“Челси”нинг янги бош мураббийи Грэм Поттер ишининг илк кунлариданоқ Менди даволанмоқда. Бугун дарвозабон жамоанинг умумий гуруҳида ишламади. Ярим ҳимоячи Нголо Канте ҳам бугунги машғулотни ўтказиб юборди. Ярим ҳимоячининг тиззасидан жароҳати бор.
