"Chelsi" darvozaboni Eduard Mendi jarohati sabab Chempionlar ligasi doirasidagi "Zalsburg"ga qarshi o‘yinni o‘tkazib yuborishi mumkin.

Football London xabariga ko‘ra, Tomas Tuxel 30 yoshli darvozabonni Chempionlar ligasi guruh bosqichining 1-turida Zagrebning "Dinamo"siga (0:1) qarshi o‘yinda zaxirada qoldirganiga sabablardan biri tizzasidan olgan jarohati bo‘lgan. Qayd etilishicha, Mendi turnirning 2-turida "Zalsburg"ga qarshi o‘yinda maydonga tushmaydi.

“Chelsi”ning yangi bosh murabbiyi Grem Potter ishining ilk kunlaridanoq Mendi davolanmoqda. Bugun darvozabon jamoaning umumiy guruhida ishlamadi. Yarim himoyachi Ngolo Kante ham bugungi mashg‘ulotni o‘tkazib yubordi. Yarim himoyachining tizzasidan jarohati bor.