Италия футбол федерацияси “Ювентус” футболчилари Аркадиуш Милик, Хуан Куадрадо ва бош мураббий Массимилиано Аллегрини А Сериянинг 6-турида “Салернитана”га қарши ўйинда (2:2) муштлашгани учун бир ўйинга дисквалификация қилди.

"Салернитана" ҳимоячиси Федерико Фасио ҳам битта ўйинни ўтказиб юборади.

Бундан ташқари, "Ювентус" ходимларидан бири учрашув ҳакамига ҳурматсизлик кўрсатгани учун 5 минг евро миқдорида жаримага тортилди. Шунингдек, Аллегри 15 минг евро жарима тўлаши керак.

Учрашув якунида ҳакам Леонардо Бонуччининг офсайд ҳолати туфайли Миликнинг голини бекор қилди. Бу эса катта муштлашувга сабаб бўлди, натижада Куадрадо, Фасио ва Аллегри майдондан четлатилди.

Ушбу ўйиндан кейин "Ювентус" 10 очко билан турнир жадвалида 7-ўринда, "Салернитана" 7 очко билан 10-ўринда бормоқда.