"ПСЖ" ҳужумчиси Килиан Мбаппе яна бир бор "Реал"га бўлган муносабати ҳақида гапирди.
Май ойида 23 ёшли франциялик футболчи "қаймоқранглилар" таклифини рад этиб, парижликлар билан шартномасини узайтиришни маъқул кўрди, бу эса унинг Мадрид клуби ҳақида мунтазам равишда ўта ижобий гапиришига тўсқинлик қилмайди.
"Мен "Реал"дагилар билан кўп йиллардан бери гаплашиб келаман. Назаримда, бу клуб билан ўзгача алоқам бор, гарчи мен бу клубда ҳеч қачон ўйнамаганман.
Менимча, "Реал Мадрид" дунёнинг энг яхши клубларидан бири. Балки энг яхшиси. Яна бир бор Мадридга энг яхши тилакларимни айтишим мумкин”, - деди "ПСЖ" ҳужуми етакчиси.
