Мюнхеннинг “Бавария” клуби ярим ҳимоячиси Леон Горецка Европа Чемпионлар лигаси гуруҳ босқичининг 2-тур учрашувида “Барселона” устидан қозонилган ғалаба ҳақида гапирди. Учрашув 2:0 ҳисобида немис гранди фойдасига ҳал бўлди.
“Бу ажойиб жанг бўлди, шундай ўйинда майдонга қайтганимдан хурсандман. Биринчи бўлимда бизга осон бўлмади, омадимиз келди, гол ўтказиб юбормадик. Танаффусдан кейин "Бавария" анча яхши ўйнади, биз жуда мақсадли ҳаракат қилдик. Ҳимояда мустаҳкамроқ бўлдик ва ҳужумга ўтишда футболни яхшиладик. Натижада иккита гол уриб, ғалаба қозондик", - дея хабар беради УEФА матбуот хизмати Леоннинг сўзларидан.
“Бавария” олти очко жамғариб, “C” гуруҳида пешқадамга айланди.
