"Бавария" ҳимоячиси Дайо Упамекано Чемпионлар лигаси гуруҳ босқичи 2-тур учрашувида "Барселона" ҳужумчиси Роберт Левандовски билан қандай курашгани ҳақида гапирди.
Эслатиб ўтамиз, польшалик ва франциялик футболчилар ўтган мавсумда "Бавария" таркибида бирга ўйнашган.
"Мен Левандовски қандай ўйнашини яхши билардим. Бу жаҳон даражасидаги ўйинчи. Лекин биз Лукас билан ўйинга 100 фоиз кучимизни бердик ва финал ҳуштагигача бор эътиборимизни қаратган эдик” - деди Упамекано ўйиндан кейин берган интервьюсида.
Кеча "Бавария" ўз майдонида "Барселона"ни 2:0 ҳисобида мағлуб этди. Тез орада жамоалар яна тўқнаш келишади, фақат кейинги сафар ўйин "Камп Ноу"да бўлиб ўтади.
