"Bavariya" himoyachisi Dayo Upamekano Chempionlar ligasi guruh bosqichi 2-tur uchrashuvida "Barselona" hujumchisi Robert Levandovski bilan qanday kurashgani haqida gapirdi.
Eslatib o‘tamiz, polshalik va fransiyalik futbolchilar o‘tgan mavsumda "Bavariya" tarkibida birga o‘ynashgan.
"Men Levandovski qanday o‘ynashini yaxshi bilardim. Bu jahon darajasidagi o‘yinchi. Lekin biz Lukas bilan o‘yinga 100 foiz kuchimizni berdik va final hushtagigacha bor e’tiborimizni qaratgan edik” - dedi Upamekano o‘yindan keyin bergan intervyusida.
Kecha "Bavariya" o‘z maydonida "Barselona"ni 2:0 hisobida mag‘lub etdi. Tez orada jamoalar yana to‘qnash kelishadi, faqat keyingi safar o‘yin "Kamp Nou"da bo‘lib o‘tadi.
