Албатта, «Бавария» – «Барселона» ўйини нафақат икки топ-жамоанинг жанги, балки Роберт Левандовски ва уни жаҳон юлдузи ҳамда афсонавий тўпурарга айлантирган клуб ўртасидаги қарама-қаршилик сифатида ҳам тақдим этилди. Барселонада польяк турли шароитларда гол ура олишини кўрсатди. Ва у буни Чемпионлар лигаси доирасидаги «Бавария»га қарши ўйинда исботлаши керак эди. Аммо ундай бўлмади. 

Фойдасиз ҳукмронлик

Биринчи бўлимда «Барселона» мюнхенликларни сезиларли даражада қийин аҳволга солди ва уларга босим ўтказди. Тўпни назорат қилиш устунлиги унчалик сезилмади, аммо имкониятлар кескин яратилди. Айниқса, Левандовскининг ўзида бир-қанча имкониятлар бўлди. Польяк биринчи бўлимда бешта зарба йўллади, «Барселона» эса «Бавария»дарвозасига 11 зарба йўллади. Аммо дарвозага улардан атиги 2таси аниқ чиқди. 

Вазиятлардан фойдаланиш

Учрашувнинг иккинчи ярмида «Бавария» хулоса чиқарди, аммо «Барселона» танаффусгача бўлган ўйин услубини сақлаб қолид. Фақат у энди иш бермади. Мюнхен рақибини хато қилишга мажбурлади. Ўша Левандовски иккинчи бўлимда атиги иккита зарба берди. Умуман олганда, «Барселона» унчалик устунлик қила олмади. Аммо биз биламизки, асосий нарса устунлик эмас, балки вазиятдан фойдаланиш қобилиятидир.

Бунда эса «Бавария» ажойиб услубда рақибдан устун келди. Ушбу атрибутлардан бири стандарт вазиятлардир. Киммих бурчак тўпини амалга ошираётганда, Эрнандес яхши очилиб чиқди, у ҳам ҳимоячи, ҳам дарвозабондан ўзиб кетган эди. Шундай қилиб, ҳисоб очилди. Тўрт дақиқадан сўнг эса каталонияликлар учун ҳаммаси тугади. Агар бурчак тўпи «Барселона»нинг стандард вазиятлардаги кучсизлигини кўрсатган бўлса, 2-гол заиф позиция ҳимояси ва ҳимоячиларнинг тезлигидаги камчиликларни кўрсатиб берди. Саненинг тезлиги ва зарбси идеал чиққан эди. 

Рақамлар

Зарбалар (дарвозага зарбалар): 13 (4) – 18 (4)

«Барселона» рақиблари дарвозасига тез-тез зарба берди, аммо аниқ зарбалар тенг тақсимланди. «Бавария» якунда самаралироқ ҳаракат қилди. Умуман олганда, ўйин тенгликда зтди . УЕФА маълумотларига кўра, ҳужумлар сони бўйича у одатда филигран ҳисобланади. Улар «Бавария»дан 41та ва «Барселона»дан 40та ҳужумни санашди. Бундай яқинлик камдан-кам учрайди. Левандовски эса еттита уринишда ҳам гол ура олмади. 

Тўпга эгалик қилиш (тўп узатиш аниқлиги): 47% (84%) - 53% (87%)

Икки жамоа ҳам Гвардиола билан ишлаган ва тўп назортига кўп эътибор қаратишади. Бу борада ўйинда кичик устунлик "кўк-анорранглилар" тарафида бўлди. Бу тўп узатишнинг аниқлиги билан боғлиқ, барчаси қисқа муддатда тўпни ишончли ўйнашга ҳаракат қилаётган жамоалар учун мантиқан тўғри келади. Бу учрашувда «Барселона» 477 та, «Бавария» эса 401 та аниқ узатмани амалга оширди. Шу билан бирга, ҳар икки жамоа ҳам Чемпионлар лигаси стандартлари бўйича ҳам кўп югуришди. «Бавария»да 119,5 километр, «Барселона»да эса 117,9 километр бор. Чемпионлар лигасидаги ўртача кўрсаткич тахминан 111 км.