Собиқ футболчи Жейми Каррагер "Челси" эгаси Тодд Бёлининг АПЛга киритган таклифига муносабат билдирди. У шундай дейди:
"Бу хабарни эшитганимда ҳайрон қолдим. Менимча, бу ўта саёз фикр. Ўзингиз яхши билмаган лига ҳақида бундай гапириш нотўғри. Менга бу ғоя ёқмади. Бёли, энг аввало, "Челси"да ўзини яхши бошлиқ сифатида намоён этиши керак. Тухелни истеъфога чиқаргани эса буни тескарисини кўрсатади".
Аввалроқ америкалик тадбиркор АПЛга шимол ва жануб клублари футболчиларини икки терма жамоага бирлаштириб, уларни қарама-қарши ўйнатиш таклифини берганди.
