Sobiq futbolchi Jeymi Karrager "Chelsi" egasi Todd Byolining APLga kiritgan taklifiga munosabat bildirdi. U shunday deydi:
"Bu xabarni eshitganimda hayron qoldim. Menimcha, bu o‘ta sayoz fikr. O‘zingiz yaxshi bilmagan liga haqida bunday gapirish noto‘g‘ri. Menga bu g‘oya yoqmadi. Byoli, eng avvalo, "Chelsi"da o‘zini yaxshi boshliq sifatida namoyon etishi kerak. Tuxelni iste’foga chiqargani esa buni teskarisini ko‘rsatadi".
Avvalroq amerikalik tadbirkor APLga shimol va janub klublari futbolchilarini ikki terma jamoaga birlashtirib, ularni qarama-qarshi o‘ynatish taklifini bergandi.
