Франциялик бош мураббий Тьерри Анрининг фикрича, “Челси” бош мураббийи Грэм Поттер Чемпионлар лигаси гуруҳ босқичи 2-туридан ўрин олган “Зальцбург”га қарши ўйинда (1:1) Рахим Стерлингни алмаштириб, хатога йўл қўйган.

Поттер ўйинда гол урганига қарамай, Стерлингни захирага олди. Анрининг сўзларига кўра, 27 ёшли ярим ҳимоячи алмаштирилганидан кейин бахтсиз кўринди.

“Биз ҳаммамиз пайқадик. Нега у Стерлингни захирага олганини билмайман. У гол урди ва яна бир гол уриши мумкин эди.
Эртага эрталаб у (Грэм Поттер) бунга қандай муносабатда бўлишини кўриш қизиқ, чунки Стерлинг бахтли кўринмади ", - деди Анри.

Маълумот учун, Поттер "аристократлар" бош мураббийлигидаги илк ўйинини ўтказди. У Томас Тухель ўрнига ушбу лавозимга тайинланди.