АГМК бош мураббийи Миржалол Қосимов Суперлиганинг 19-тури доирасида бўлиб ўтган "Пахтакор"га қарши ўйин борасида ўз фикрини билдириб ўтди.

«Қизиқарли ўйин бўлди, афсус мағлуб бўлдик. Биз учун жуда муҳим ўйин эди, шунга мос тайёргарлик кўргандик. Ғалаба қозонсак чемпионлик учун имкониятимиз сақланиб қоларди. Учрашувни ёмон бошлаганимиз йўқ, биринчи бўлимда яхши вазиятларга эга бўлдик.

Иккинчи бўлимда Боаке ўз вазиятидан фойдаланганда, балки натижа бошқача бўларди. "Пахтакор" вазиятлардан унумли фойдаланади. Бу каби жамоалар хатоларни кечирмайди, бугун шу фикр ўз тасдиғини топди. Меҳмонларни ғалаба билан табриклайман. Энди қисқа муддатли татилга чиқамиз. Хулоса чиқариб ишлашда давом этамиз. Ҳар қандай мусобақада фақат юқори ўрин ва юқори натижа учун курашамиз. Энди фақат кубокка эътибор қилиб, чемпионатда шунчаки қатнашмаймиз. Медаллар учун ҳали кураш давом этади. Мен доим барча мусобақаларда юқорига қараб интиламан. Афсус, бугун бошқа натижа кутгандик. Яхши вазиятлар бўлди. Бу футбол, гол урмасанг жуда қийин», — деди Қосимов.