Садио Маненинг кетиши "Ливерпул"нинг жорий мавсумни кучсиз бошлашига сабаб эмас. Бу ҳақда бош мураббий Юрген Клопп айтиб ўтди.

“Садио жаҳон даражасидаги футболчи. Албатта, биз бу йигитни соғиндик. Лекин шуни айтмоқчиманки, жамоадаги муаммолар унинг трансфери билан боғлиқ эмас. Илгари бизда ҳам ёмон ўйинлар бўлганди, ўша ўйинларда ҳам Мане майдонга тушганди. Шунинг учун бу у билан боғлиқ эмас", - деди германиялик мутахассис TV2 билан суҳбатда.

Эслатиб ўтамиз, Садио Мане "Ливерпул"ни ёзги трансфер ойнасида тарк этган эди. Сенегаллик вингер фаолиятини "Бавария"да давом эттиришга қарор қилди.