"Ливерпуль" "Ювентус" ярим ҳимоячиси Артур Мелонинг ижарасини муддатидан аввал тугатиши мумкин.
Мело ёзги трансфер ойнасининг сўнгги кунида "Ливерпул"га қўшилди. "Қизиллар" Артурни кейинчалик 32,3 миллион фунт стерлингга сотиб олиш ҳуқуқини ўзида сақлаб қолди.
Мелонинг ижараси "Ливерпуль" бош мураббийи Юрген Клопп учун зарур бўлди, унинг ярим ҳимоясида ўйинчиларни танлаши кўп жароҳатлар туфайли торайиб кетган.
Ҳозиргача Артур “Наполи”га қарши атиги 13 дақиқа ўйнади ва “Аякс”га қарши ўйинни захира ўриндиғида ўтказди. Tuttomercatoweb нашри хабарига кўра, икки ҳафталик бирга ишлагандан сўнг Клопп 26 ёшли бразилияликдан кўнгли қолган ва уни Туринга қайтаришга тайёр.
Клопп бу шошилинчда амалга оширилган хато трансфер ва Мело эса жамоа учун фойдали эмас деган қарорга келди. "Ливерпуль" январ ойида Артурни ўрнига бошқа ярим ҳимоячини таклиф қилиш учун бразилиялик футболчидан воз кечиши керак.
