Испания терма жамоаси бош мураббийи Луис Энрике нима учун "Барселона" ярим ҳимоячиси Ансу Фатини "Қизил фурия"га чақирмаганига изоҳ берди.
"Умид қиламанки, Ансу ўз даражасини тиклайди, лекин бугун мен уни рўйхатда кўрмаяпман. Умид қиламанки, 30 кун ичида у оптимал шароитларга эришади. Фати ишончни қозониш жараёнида. Ундан умидларим катта. Умид қиламизки, у муваффақиятга эришади", - деди Энрике Mundo Deportivo нашри билан суҳбатда.
Эслатиб ўтамиз, Фати янги мавсумда "Барселона" сафида Испания чемпионатида 5 та ўйинда майдонга тушди. Ушбу учрашувларда 19 ёшли Ансу иккита гол урди ва иккита голли узатмани амалга оширди.
